Hāpai ʻIa Kahi Pila Noi Noiʻi E Hoʻolilo Iā Lahaina I Wahi Hoʻoilina Pae Aupuni

Ke kali ʻia nei kā Pelekikena Biden pūlima ʻana i ka pila lālālua na Kenekoa Hirono me Lunamakaʻāinana Tokuda. 

By /

Ke kali ʻia nei kā Pelekikena Biden pūlima ʻana i ka pila lālālua na Kenekoa Hirono me Lunamakaʻāinana Tokuda. 

Ka nota a ka luna hoʻoponopono: Unuhi ʻia na Ākea Kahikina. Click here to read this article in English.

ʻO ke ahi ʻāhiu i ʻai nui iā Lahaina, Maui ma ʻAukake 2023, ʻo ia nō paha ka mea e lilo ai ia mea i Wahi Hoʻoilina Pae Aupuni. 

Ka Ulana Pilina Badge Olelo Hawaii
Civil Beat stories ma ka ʻōlelo Hawaiʻi
‘Ka Ulana Pilina’ is an ongoing collection of news articles and opinion pieces written in the Hawaiian language to better connect with our Indigenous readers, identify underreported stories and improve our engagement with an underserved community.
Read More

I kēia mahina, ua ʻāpono ka Hale Lunamakaʻāinana me ka ʻAha Kenekoa i ka pila ʻo Lahaina National Heritage Area Study Act. Inā pūlima ʻia e Pelekikena Joe Biden, na kēia pila e noiʻi aku i ke kūpono a me ka makepono o kēia hana. 

ʻO nā Wahi Hoʻoilina Pae Aupuni, ʻo ia nō nā wahi e launa pū ai nā kumu waiwai he moʻolelo, he kuʻuna, a he kūlohelohe, “a lilo kēia mau mea i mau hiʻona ʻāina koʻikoʻi, he mau hiʻona hoʻi i kohu kekahi i kekahi,” wahi a ka National Park Service. “E like ʻole naʻe me nā pāka pekelala, ke noho kanaka nui ʻia nei nā Wahi Hoʻoilina.”

Mālama ka NPS i nā wahi hoʻoilina he 62, a ʻaʻole ʻo Hawaiʻi kekahi o ia mau wahi. 

Ua hāpai ʻia kēia pila e Kenekoa Mazie Hirono me Lunamakaʻāinana Jill Tokuda, a ua kākoʻo ʻia e Lunamakaʻāinana Ed Case. 

Ua ʻōlelo maila ʻo Hirono ma kekahi ʻaha kūkala nūhou, na ke ahi “i hōʻike mai i ka waiwai o kēia kūlanakauhale, he waiwai iā Maui, i ka pae ʻāina, a i ke aupuni.” 

ʻO nā kumu waiwai he moʻolelo, he kūlohelohe a he moʻomeheu ma Lahaina, wahi āna, “na kēia mau mea e haʻi aku i moʻolelo koʻikoʻi” a na kēia pila e hoʻomau aku “i ka haʻi ʻōlelo ʻia ʻana o ua moʻolelo nei no nā hanauna hou e hiki mai ana.”

Ua ʻōlelo maila ʻo Tokuda, ua pili kēia pila “i ka hoʻokumu ʻana i ko Lahaina hānau hou ʻia ʻana me kona kūkulu hou ʻia ʻana,” i ka moʻolelo, ka moʻomeheu a me nā mea kuʻuna o ke ahupuaʻa, kahi i noho ai ke kapikala kahiko o Ko Hawaiʻi Pae ʻĀina. 

Inā e ʻāpono ʻia kēia pila, na ia mea e alakaʻi i ko NPS hana pū ʻana me ke Kalana o Maui a me nā kōkoʻolua he pae mokuʻāina a he pae kamaʻāina. 

ʻO ka Wahi Hoʻoilina Pae Aupuni mua loa, ʻo ia hoʻi ʻo Illinois and Michigan Canal National Heritage Area, ua pūlima ʻia i kānāwai e Pelekikena Ronald Reagan i ka makahiki 1984. 

Ua kākoʻo ʻia kēia papahana e ka ʻOhana o Harry Nathaniel, Levani Lipton, ka ʻOhana Mar, a me Lisa Kleissner.

What it means to support Civil Beat.

Supporting Civil Beat means you’re investing in a newsroom that can devote months to investigate corruption. It means we can cover vulnerable, overlooked communities because those stories matter. And, it means we serve you. And only you.

Donate today and help sustain the kind of journalism Hawaiʻi cannot afford to lose.

Donate

About the Author